Aksar kuchh sochte rahte ho...

Kya sochte rahte ho

Jab bhi safar karte ho
Yun khoye khoye se rahte ho...

"Jo paas hai, wo adhura lagta hai"...2
Or jo nahi uski talaash yun bhatkte rahte ho

Bus ho train ho ya ho economy class ki flight
Yun window seat se aakhir kise dekha karte ho

Kya sochte rahte ho
Jab bhi safar karte ho
Kyu, itne khoye se rehte ho.,..

Kuchh nahi hai janaab wahaan
Bas shunya ki deewar me khoyi
kuchh yaaden hain
Kuchh warshon purani baate hain
Aur Kuchh tumhare sapne hain.,

Shaayad un haseen sapno me hi khoye rahte ho
To kabhi un yaadon ke darmiyaan simat jaate ho

Kabhi Subah ki charpaai ko
dopahar ki thakaan waali neend
me tabdil kar lete ho

Kabhi shahar ki bheed me to kabhi
Aasman ki unchaayion me kho jate ho

Jaraa ruk to jaao sambhal to jaao
Aakhir kyun itne khoye se rahte ho...

                                                      

                                          :- Puskar Kumar